Milli Qəhrəman Albert Aqarunov: “Mən bu torpağın övladıyam...”

 
Azərbaycan öz müstəqilliyini əldə etdikdən qısa müddət sonra, İsrail onu rəsmən tanıyan ilk dövlətlərdən biri olmuş və Azərbaycanla tez bir zamanda diplomatik əlaqələr qurmuşdur. 1992-ci ildən başlayaraq təhlükəsizlik məsələləri, enerji ticarəti, eləcə də mədəniyyət və təhsil sahələrində sıx əməkdaşlıq fonunda əlaqələrimiz daha da genişlənmişdir.
Azərbaycanda yəhudi xalqına daim yaxşı münasibət bəslənib. İsrail dövlətinin Azərbaycanla əməkdaşlıqda maraqlı olmasını təkcə bu ölkənin zəngin enerji resursları, strateji geosiyasi vəziyyəti vəiqtisadi-siyasi amillərlə səciyyələndirmək düzgün deyil. Hər iki ölkəni bir-birinə yaxınlaşdıran əsas amillərdən biri də Azərbaycanda yəhudi diasporunun və İsraildə Azərbaycandan getmiş 80 mindən artıq yəhudinin yaşamasıdır. İki ölkə arasında əlaqələrin kökündə milli-dini tolerantlıq, insani dəyərlər və qarşılıqlı anlaşma dayanır.

İsrail  prezidenti cənab  İsxaq  Hersoq  30  may  2023 cü il tarixində  Azərbaycanda  rəsmi  səfərdə olub. Görüş zamani hər  iki ölkənin  gələcəkdə müxtəlif sahələrin inkişafına səbəb olacağı qarşılıqlıəməkdaşlığı müzakirə  olunub. Cənab prezident İlham Əliyev  vurğulayıb ki, ölkələrimiz  arasinda ticarət  dövriyyəmiz  1,7 milyard  dollardan çoxdur. Gələcəkdə birgə  lahiyələr çərçivəsində  daha  balanslaşdırılmış  ticarət  dövriyyəmiz  təkcə enerji lahiyəsi amilindən asli  olmuyacaq. İkitərəfli  görüşdə  turizm,  kənd  təsərüffatı, kiber təhlükəsizlik, müdafiə  sənayesi çərçivəsində  əməkdaşlığın genişləndirilməsi müzakirə  olunub. Cənab  Prezident İlham  Əliyev  vurğulayib ki, Azərbaycan və İsrail arasında qarşılıqlı dostluq və əməkdaşlıq əlaqələri yalnız iqtisadi-strateji faydaya deyil, həm də ənənəvi tarixi-mədəni köklərə əsaslanır. Yəhudi  icmasının üzvləri Azərbaycan vətəndaşları ölkəmizin müasir inkişafina  töhvə verib.
Ölkələrimiz arasında mədəni əlaqələrin inkişafında diasporun rolu böyükdür. Yəhudi icması Azərbaycanda ən fəal icmalardan biridir. Ümummilli lider Heydər Əliyev Azərbaycanda yaşayan yəhudilərhaqqında demişdir: “Yəhudilər azərbaycanlılarla birlikdə Azərbaycanda əsrlər boyu dostluq, mehribanlıq şəraitində yaşayıblar. Bu gün də yəhudilər Azərbaycanın tam bərabər hüquqlara malik vətəndaşlarıdır və Azərbaycan onlar üçün doğma vətəndir. Bunların hamısı bizim əməkdaşlığımız üçün yaxşı imkan yaradır”. Təsadüfi deyildir ki, hələ birinci Qarabağ müharibəsində şəhid olan ilk qəhrəmanlar sırasında yəhudi əsilli Milli Qəhrəman Albert Aqarunovun adı xüsusi çəkilir. O, ermənilərin xeyli canlı qüvvəsini, zirehli texnikasını məhv etmişdir. Ona təxribat xarakterli sual verən jurnalistin “Yəhudiləri Azərbaycan torpağını qorumağa nə vadar edir?” sualına o belə cavab vermişdir: “Mən bu torpağın övladıyam, burada doğulmuşam, burada yaşayıram, daha heç nə məcbur eləmir”.
Bu cavab, əslində, Azərbaycanda yaşayan yəhudilərin torpağımıza, millətimizə bağlılığının bariz sübutudur. 
İnanıram ki, Milli Qəhrəman Albert Aqarunovun mənsub olduğu xalq bizim əbədi dostumuz olaraq qalacaq. İsrail Prezidentinin ölkəmizə səfəriAzərbaycan  və İsrail  xalqları arasında münasibətlərin daha yüksək səviyyəyə qalxmasında mühüm əhəmiyyət  kəsb edəcək.
 
Əli Zalov,
Azərbaycan Dövlət Pedaqoji Universitetinin
Analitik və üzvi kimya kafedrasının müdiri,professor


Facebook-da paylaş